Курс валют
$
73.22
0.39
86.41
0.63
Курс валют
Курс валют
$
73.22
0.39
86.41
0.63
Меню
Поиск по сайту

Сунтаар улууһа Өрөспүүбүлүкэ күнүнэн эҕэрдэлиир

27.04.2019 09:55 0
Сунтаар улууһа Өрөспүүбүлүкэ күнүнэн эҕэрдэлиир

«Сунтаар улууһа (оройуона)» муниципальнай оройуон  дьаһалтатын уонна оройуон дьокутааттарын Сэбиэтин аатыттан Өреспүүбүлүкэ  күнүнэн итиитик-истиҥник эҕэрдэлиибит!

1922 сыл муус устар 27 күнүгэр, РСФСР Бүтүн Россиятааҕы Киин ситэриилээх кэмитиэтэ Саха сирин норуоттара бэйэлэрэ судаарыстыбаннастаах буолалларын билиммитэ, РСФСР састаабыгар Cаха Автономнай Советскай Социалистическай Өрөспүүбүлүкэтин олохтуур туһунан анал Декрети ылыммыта. Бу историяҕа киирбит докумуон Саха сирин национальнай судаарыстыбаннаһын бигэргэппитэ, биһиги региоммут экономическай, социальнай, култуурунай сайдыытын өр сыллаах олугун уурбута.

Ити кэнниттэн 70 сыл буолан баран, 1990 сыл балаҕан ыйын 27 күнүгэр биһиги өрөспүүбүлүкэбитигэр Государственнай суверенитет туһунан Декларация ылыныллыбыта.

Декларацияны ылыныы биһиги өрөспүүбүлүкэбит Россия Федерациятын тэҥ бырааптаах субъегын быһыытынан сайдар суолун саҥа кэрэһитэ буолбута.

Бүгүн Саха Өрөспүүбүлүкэтэ Российскай Федерация биир тэтимнээхтик сайдар субъегынан буолар. Өрөспүүбүлүкэ сиригэр-уотугар нэһилиэнньэ олоҕун таһымын үрдэтэр хайысхалаах улахан инвестиционнай бырайыактары, социальнай программалары киллэрии утумнаахтык барар.

Россия бары олохтоохторун курдук, өрөспүүбүлүкэ олохтоохторо төрүт үгэстэри тутуһаллар, култуураны уонна искусствоны сайыннараллар, гражданскай институттар үлэлэригэр көхтөөхтүк кытталлар уонна тапталлаах Ийэ дойдуларын туһугар эйэ-дэмнээхтик бииргэ үлэлииллэр.

Күндү Өрөспүүбүлүкэ олохтоохторо! Тапталлаах төрөөбүт дойдубут тупсарын-сайдарын туһугар дьаныардаах үлэни, бары саҕалааһыннаргыт үтүө түмүктээх буоллун диэн, чэгиэн-чэбдик, дьоллоох олоҕу баҕарабыт!

 

***

Анатолий Григорьев,

Сунтаар улууһун баһылыга

 

Оставить комментарий