Курс валют
$
60.32
0.05
61.16
0.2
Курс валют
Курс валют
$
60.32
0.05
61.16
0.2
Меню
Поиск по сайту

ОСКУОЛАҔА ҮЛЭЛИИР УУСТУГУРБУТ

20.12.2021 14:03 0
ОСКУОЛАҔА  ҮЛЭЛИИР  УУСТУГУРБУТ

Максим Иванович Местниковы билэр, алтыспыт киһим. Олоххо тус көрүүлээҕин, актыыбынай позициялааҕын иһин тэрээһиннээх эккирэтиигэ түбэстэ дии саныыбын. Онон дьон көмүскэһэрин өйдүүбүн, толору өйүүбүн. Ити санаабын саас хаһыат нөҥүө биллэрбитим.

Бастаан Омскайдааҕы физкультурнай институту бүтэрэн кэлэн биир оройуон уһук, суола-ииһэ суох нэһилиэгэр үлэтин саҕалаабыт учуутал туһунан кэпсиим. Эдэр учуутал уутугар-хаарыгар киирэн уруок ыыта сырыттаҕына биир кыыһасыыһа охтон кутуругун төрдө (кобчига)тахсыбыт . Чугаһынан биэссэр да суох сирэ. Учуутал тута массажтаан, бэрт өр имэрийэн оннун булларан кыыһы өрүһүйэн турар. Институкка бастакы суһал көмөнү оҥорорго үөрэппиттэрэ абыраатаҕа. Оччотооҕуга бу эдэр киһини оскуолатын дириэктэрэ педофилияҕа буруйдаабатах ээ. Оттон учуутал өр сыл оҕону үөрэтиигэ олоҕун анаабыта, кырдьаҕас ыал эрэллээх дурдата-хаххата,  эһээ, хос эһээ буолан олороро иһиллэр. Эдэр эрдэҕинэ быыһаабыт кыыһа да дьиэ кэргэн күн-күбэй ийэтэ, бэйэтэ эбээ буолан олороругар эрэнэбин.

Бүлүү улууһугар биир эдэр учууталы эмиэ сүгүн үлэлэппэттэрэ иһиллэр, Максим Иванович курдук эккирэтиигэ түбэстэ дуо?  Маннык, киһи олоҕор улахан охсуулаах, кыбыстыылаах түбэлтэлэри түргэнник быһаартарар наада. Тэрийэ сатыыр дьон баарын дакаастаатахха, маннык хатыламматын, күөрэйэ турбатын туһугар, бэйэлэрин сааттаах остуолбаҕа кэлгийиэххэ, итилэри сорунуулаахтык хаптатыахха наада. Инньэ гымматахха оскуолаҕа, спортивнай саалаларга да үлэ тохтууругар тиийэр. Гимнастикаҕа, оннооҕор тустуу бары көрүҥнэригэр кыргыттары эр дьон эрчийэллэр. Кинилэр үөрэтэр оҕолорун тутар-хабар, страховкалыыр (өйүүр), бастакы суһал көмөнү оҥорор эбээһинэстэрэ. Аан дойдуга барытыгар итинник. Биһиги эрэ  аккаастанабыт, салгыы оҕону үөрэппэппит дуо?Кып-кыра хамнаска, оҕону кытта бодьуустаһар уустук үлэҕэ баҕа өттүнэн үлэлиир фанат аҕыйаҕа биллэр. Кинилэри өйүүр, үлэлэтэ сатыыр оннугар була сатаан саакка-суукка тиэрдэ сатыыр хайҕаныан табыллыбат.                                                                                                        

Республика үөрэҕин миниистиринэн саҥа анаммыт Ирина Павловна Любимова барытын үөрэтиэ, сөптөөх быһаарыныы ылыныа, үөрэх эйгэтигэр уларытыыоҥоруо, специалистарын харыстыа, көмүскүө диэн эрэниэҕиҥ.

***

  Иван БУРЦЕВ,

    18.12.2021 с.                                                            

Оставить комментарий    

Школа-интернат для неслышащих обучающихся
Шиномонтаж Левша

Красивые окна
СахаСтройПлит
Новостройки якт ру
Сахатранснефтегаз
Стоматология 32