Курс валют
$
71.83
0.15
87.21
Курс валют
Курс валют
$
71.83
0.15
87.21
Меню
Поиск по сайту

Оройуон депутаттара улуус дьаһалтатын 2020 сыллаах үлэтин биһирээтилэр

18.02.2021 14:26 0
Оройуон депутаттара улуус дьаһалтатын 2020 сыллаах үлэтин биһирээтилэр

Олунньу 18 күнүгэр, Сунтаар улууһун депутаттарын 25 уочараттаах сессията ыытылынна. Мунньах хаамыытын Сунтаар улууһун депутаттарын Сэбиэтин бэрэссэдээтэлэ Ульяна Попова иилээн салайда, уопсайа 5 боппуруос көрүлүннэ. 


Улуус дьаһалтатын 2020 сыллаах үлэтин улуус Аҕа баһылыга Анатолий Григорьев сырдатта, сыл устата улууска бары эйгэҕэ ыытыллыбыт үлэ түмүктэрин иһитиннэрдэ.  Оройуон депутаттара сыл устата бары эйгэлэргэ элбэх далааһыннаах үлэ барбытын бэлэтээтилэр, сүрүннээн тутуу өттүгэр уонна тыа хаһаайыстыбатын эйгэтигэр былаан туолан үчүгэй көрдүрүү баарын хайгыы бэлиэтээтилэр. Отчуот түмүгүнэн «биһирииллэрин» эттилэр.

Ис дьыала органнарын бэрээдэги кэһии өттүгэр ыыппыт үлэлэрин сыллааҕы отчуотугар  оҕону иитиигэ оскуолалары, төрөппүттэри кытта ыкса бииргэ үлэлиири, билигин дьону төлөппүөнүнэн эрийэн албыннааһын үксээбитин Сунтаардааҕы полиция салайааччытын солбуйааччыта Артем Афанасьев иһитиннэрдэ. Отчуот түмүгүнэн депутаттар улуустааҕы ис дьыала органнарын сыллааҕы үлэлэрин сөптөөҕүнэн аахтылар.

Ахсынньы 28 күнүгэр ылыныллыбыт улуус 2021 сыллааҕы бүддьүөтүгэр уларыйыылары улуус баһылыгын экономическай сайдыыга уонна стратегическай былааннааһыҥҥа солбуйааччы Борис Васильев сырдатта.

Онно төһө үп көрүллэрин сиһилии чуолкайдаан ырытыы буолла, түмүккэ депутаттар киирбит уларыйыылары ылыннылар.

***

«Сунтаар улууhа (оройуона)» муниципальнай оройуон дьаһалтатын пресс – сулууспата.

Оставить комментарий    

Россельхозбанк
АЯМ