Ойуур баһаардарын турууларыгар сүбэ мунньах ыыттылар
Кулун тутар 11 күнүгэр, 2020 сыл түмүгүнэн ойуур баһаардарын турууларыгар уонна бу сылга бэлэмнэнии үлэтигэр СӨ Экологияҕа, сир баайын туһаныыга уонна ойуур хаһаайыстыбатыгар миниистирэ Сахамин Афанасьев, улуус Аҕа баһылыга Анатолий Григорьев, улуустааҕы ыксаллаах быһыы-майгы инфраструктуратын салаатын, айылҕа харыстабылын инспекциятын уонна нэһилиэктэр баһылыктарын кытары төгүрүк остуол тула сүбэ мунньах ыыттылар.
Мунньах сүрүн боппуруостарынан ойуур баһаардарын араас көрүҥнэригэр хайдах үлэ ыытыллыахтааҕа, хас нэһилиэк аайы ыксаллаах-быһыыга майгыга резервнай пуонда көрүү уонна дьоҥҥо-сэргэҕэ айылҕаҕа тахсан сынньаналларыгар уоттан сэрэхтээх буолууга өйдөтүү үлэтин ыытыыга үлэлэһии буолла.
СӨ Экологияҕа, сир баайын туһаныыга уонна ойуур хаһаайыстыбатыгар миниистирэ Сахамин Афанасьев сокуоҥҥа саҥа уларыйыылар киирбиттэрин иһитиннэрдэ, онно арендаламмыт учаастакка ойуур баһаара турбут буоллаҕына, бу сири туһанааччы бэйэтин тиэхиникэтин уонна үлэһиттэрин баһаары умуруорууга көмөҕө ыытара билигин сокуонунан ирдэнэр буолла. Ону сэргэ, улууска ойуур уотун умуруоруутугар сөптөөх үлэ барбытын бэлиэтээн туран бииргэ үлэлэспит нэһилиэк баһылыктарыгар, тэрилтэлэр салайааччыларыгар уонна олохтоохторго махталын биллэрдэ.
Мунньах түмүгэр Сунтаардааҕы «Якутлесресурс» салаатыгар ойуур баһаардарын умуруорууга саҥа камаз 65225 уонна ТЛ4 трактор тиэхиникэни туттардылар.
***
“Сунтаар улууһа (оройуона)” муниципальнай оройуон дьаһалтатын пресс-сулууспата.
Обсуждение • 1
Добавить комментарийОставить комментарий
Не пропустите
Шиномонтаж Левша
Cтоматология 32
Киһи сайын буолуон да баҕарбат. Сыл аайы 5-6 мөл. га ойуур барахсан көҥүлүттэн умайбыта хаһыс сылай?
Сир сылааһын тутар Хара Тыабыт барахсан сайын аайы умайан, биир оччо мас кэрдиллэн тыын да ылбакка кыһын уһуннук, сытыытык тымныйда.
Киһи -аймах сиргэ үлэлээн эбэн үтүөнү үлэлээн үүннэриэн сүрэҕэлдьээн паразит быһыытынан олорор буолла, ол айыллыбыт үтүөнү аҥардастыы айбардаата, сиирин сиэтэ, ыһарын ыста, олорбут сирэ абааһы аймаҕын кэнниттэн курдук барыта атарааба, алдьатыы, ыра
санаата элбэх куойкалаах онкобалыыһа.
Дьон иҥсэтинэн, акаарытынан хостоон ылар, полезные ископаемые диэн ааттыыр Сир эттиктэрэ Сир олоҕор туох оруоллаахтарын үөрэтэр наука киһи-аймахха бүгүн да суох.
Мин курдук Сири харыстааҥ, кыылы, көтөрү кыргымаҥ, уоту умулларын диир хотун аныгы былааска оппозиция. Былааска эрэ буоллаҕа, оттон былаас Сир Ийэҕэ, Хара Тыаҕа, Төрүт Итэҕэлгэ, Омукка, Аҕаларын Дойдутун бэйэтиттэн ураты тыыннааҕар барытыгар оппозиция буоларын билбэккэ бүгүн “дьоллонор”.