Курс валют
$
75.45
0.02
90.03
0.14
Курс валют
Курс валют
$
75.45
0.02
90.03
0.14
Меню
Поиск по сайту

Ньурба улууһугар волонтер куорпуһа хаттаан үлэтин сагалаата

16.11.2020 14:26 0
Ньурба улууһугар волонтер куорпуһа хаттаан үлэтин сагалаата

Аан дойдуну аймаабыт хамсык ыарыы экэниэмикэҕэ, дьон олоҕор уустуктары үөскэттэ. Өрөспүүбүлүкэҕэ бастаан бу дьаҥ ыарыыта биллэриллибитигэр, Ньурба улууһа биир бастакынан баҕа өттүнэн көмөлөһүөн баҕалаахтартан этэрээттэри тэрийэн, эдэр волонтердар куорпустара үлэтин саҕалаабыта.


Волонтердар девизтэрэ “Действуешь, значит существуешь!”. Улуус бары нэһилиэктэригэр уонна Ньурба куоратыгар олунньу ыйтан аҕам саастаах дьонтон, изоляцияны тутуһан олорооччулартан эмтэрин, наадалаах бородуукталарын атыылаһыыга сайаапкалары хомуйан, тустаахтарга тиэрдитэлээн барбыттара. Аҥардас сакааһынан сайаапкаларынан сылдьыы эрэ буолбакка, чааһынай дьиэлэргэ олорор аҕам саастаахтарга мас хайытыытыгар, хаар күрдьүүтүгэр, муус тиэйиитигэр тимуровскай тахсыылары оҥорбуттара. Олунньу-ыам ыйдарыгар волонтерскай куорпуска 147 ыччат үлэлээбитэ, нэһилиэнньэттэн барыта 3000 сайаапка киирбитэ.

Волонтердар куорпустара коронавирус ыарыыттан хайдах профилактикаланарга кэмиттэн кэмигэр аудиовизуальнай продукциялары (роликтары) таһаарар. Бүгүҥҥү күҥҥэ социальнай ситим нөҥүө 25 таһаарыы оҥоһуллубут, волонтердар олохтоох полициялары кытары стационарнай постарга, оройуон кыраныыссаларыгар рейдэлэри сааскы өттүгэр оҥорбуттара.

Алтынньы ыйтан Ньурба оройуонун территориятыгар үрдүк таһымнаах бэлэмнэнии биллэриллибитинэн волонтер куорпуһа хаттаан үлэтин сөргүттэ. Бүгүҥҥү күҥҥэ оройуоҥҥа баҕа өттүнэн үлэлиир 92 волонтер баар. Сэтинньи ыйтан саҕалаан сайаапкалары толоруу тыһыынчаттан таҕыста.

Ыам ыйыгар Ньурба улууһугар дьаҥ ыарыы арыый бигэтийбит кэмигэр Ньурба 13 волонтера СӨ социальнай коммуникация уонна ыччат министиэристибэтин уонна өрөспүүбүлүкэтээҕи волонтердар штабтарыттан Махтал суруктарынан бэлиэтэммитэ. Маны таһынан Ньурба оройуонун баһылыгын аатыттан 50 доброволецтар Махтал суругунан, сыаналаах сертификатынан наҕараадаламмыттара.

Ньурбатааҕы волонтердар куорпустара ыкса си

бээстээхтик өрөспүүбүлүкэтээҕи волонтердар штабтарын кытары үлэлэһэр, методическай мэктиэлээһининэн толору кээмэйинэн СИЗ хааччыллар. Волонтердар бары харыстанар миэрэлэри тутуһан үлэлииллэр.

***

Антонина СЕМЕНОВА

Источник: ulusMedia

Оставить комментарий