Мэҥэ Хаҥалас улууһун дьаһалтата уонна «Сахаагроплем» холбоһук бииргэ үлэлэһии туһунан сөбүлэҥ түһэрсиэхтэрэ

⠀⠀Мэҥэ Хаҥалас улууһун дьаһалтата, улуустааҕы тыа хаһаайыстыбатын Управлениета уонна «Сахаагроплем» холбоһук бииргэ үлэлэһии туһунан сөбүлэҥ түһэрсиэхтэрэ. Бу туһунан, төгүрүк остуолга кэпсэттилэр. 

⠀⠀Мунньахха, «Сахаагроплем» холбоһук начальнига Алексей Жирков салайааччылаах делегация сүрүннээн гармональнай препараты туһаныыны киллэрэр туһунан  иhитиннэрдэ.

⠀⠀Улуус өттүттэн, ынаҕы-сүөһүнү искусственнайдык буоһатыыга туох ыарахаттар баалларын эттилэр. Сиэмэлээччилэр көһөрө сылдьар дьоҕус аппаракка наадыйалларын иһитиннэрдилэр. 

⠀⠀Кэпсэтии сүнньүнэн, тыа хаһаайыстыбата Мэҥэ Хаҥалас улууһугар сайдарын туһугар улуус дьаһалтата уонна «Сахаагроплем» холбоһук инникитин бииргэ үлэлэһии туһунан сөбүлэҥ түһэрсиэх буолан тарҕастылар.

***
Улуус дьаhалтатын пресс-сулууспата