Курс валют
$
74.14
0.47
83.71
0.6
Курс валют
Курс валют
$
74.14
0.47
83.71
0.6
Меню
Поиск по сайту

ГОСДУМАҔА ДЬОКУТААТ БУОЛУУ БИИР НЬЫМАТА

17.10.2021 16:16 1
ГОСДУМАҔА ДЬОКУТААТ БУОЛУУ БИИР НЬЫМАТА

Быыбардар аастылар да уоскулаҥ суох. Хардары-таары хайҕаһыы, кыайыыны-хотууну үргэҥнэтии. Дьиҥ-дьигэ кыайыы-хотуу баар дуо?


Манна, хата, дьон өйүгэр-санаатыгар иҥэн хаалбыт көрүдьүөстэр сотуллубаттык суруллан хаалбыттара үгүс сыллары уҥуордуур умнуллубат аналлаахтар.

Сөдүөт Тумууһап Ил-Түмэҥҥэ дьокутаат буолан олорбуттааҕа. Ол кэмҥэ Е.Михайловнаны вице-президенынан анааһыны бигэргэтии буолбут. Сөдүөт таах олорботох, тыл кыбыппыт. “Она конечно “С”, но наша “С”, — диэбитэ иһиллибитэ. Хаһан эрэ Пушкины аахпыта өйүгэр көтөн түстэҕэ. Дьокутааттар өһүргэнэн турбуттар, Штыровы солбуйуохтаах киһини баһааҕырта диэтэхтэрэ. Дьүүллээри гыммыттарыгар Сөдүөт, өй бөҕөтө буоллаҕа: “Она саха и наша Сунтарская”- диэбитим диэн куотарга сорунар. Атын дьокутаат А.Поисеева: “Тумусов нас с Песковской грубо обозвал на букву “П”. Его обязательно надо судить”, — диир. Биһиги быыбардааччылар хаһыаттар итини суруйалларын ааҕа-ааҕа “С” диэбитэ кыра эбит, “П” диэбитэ өссө куһаҕан диэн күлсэ сылдьыбыппыт баара. Ити быһылаан киэҥник тарҕаммыта, Сөдүөппүт сотору Госдума дьокутаата буолбута. Ол ыраатта. Сөдүөт Москваҕа олохсуйбута, Госдумаҕа анал кириэһилэлээх, кини онтон арахсан Сахатын сиригэр кэлэр санаата суох, ону бу быыбардарга көрдүбүт.

Биир кырдьаҕас доҕорбунаан П.Аммосов Ил-Түмэҥҥэ үлэтин кэтээн көрө сылдьыбыппыт. Биирдэ: “Бырааппыт Ил Түмэҥҥэ син өр дьокутааттаата да тоҕо эрэ өнүйбэт, эбиллибэт”, — дэспиппит. Арай, доҕоттор, биир түгэҥҥэ Ирина Высоких хата кэлэн биэрдэ. Аһаҕас түөстээх. Биһиги киһибит онуоха наһаа улаханнык саҥа аллайбыта хаһыаттары, Интернети, Батсаабы, киэҥ Арассыыйа эбэ хотуну толорбута иһиллибитэ. Уолбутун дьон билбитэ, сотору Госдума дьокутаата буолла. Госдума мунньахтарыгар Петр Револьдовичка бука ыарахан буолара буолуо, онно бааллар араас нэлэккэйдэммит даамалар. Арай биһиги Данчиковабыт сөллүбэттик барытын бүөлэнэн, “уу тэстибэт” гына таҥнара көстөр. Маладьыас!

***

Иван БУРЦЕВ 15.10.21 с.

Обсуждение • 1

Добавить комментарий
  1. Тыа уола

    Ордугу5ааьын дуу хайдах дуу.

Оставить комментарий