Курс валют
$
75.2
0.42
91.19
0.11
Курс валют
Курс валют
$
75.2
0.42
91.19
0.11
Меню
Поиск по сайту

«Дыгын оонньуулара» ахсынньы саҥатыгар ыытыллыаҕа

19.11.2020 16:05 0
«Дыгын оонньуулара» ахсынньы саҥатыгар ыытыллыаҕа

Дьон-сэргэ улахан биһирэбилин, кэрэхсибилин ылбыт “Дыгын оонньуулара” быйылгы күрэхтэһиитэ ахсынньы саҥатыгар “Триумф” спортивнай комплексыгар ыытыллар буолла. Ити туһунан бүгүн Саха сирин физическэй култуураҕа уонна спорка миниистирин бастакы солбуйааччы Семен Чердонов “Саха” национальнай көрдөрөр-иһитиннэрэр хампаанньатын “Тайм-аут” биэриитигэр эттэ.


Биллэрин курдук, балаһыанньаҕа олоҕуран “Дыгын оонньууларыгар” уон икки боотур күрэс былдьаһар. Онуоха былырыыҥҥы кыайыылаах Егор Филиппов (Хаҥалас) уонна национальнай многоборье быйылгы кыайыылаахтара Владимир Федоров (Ньурба), Алексей Уваровскай (Кэбээйи) – финалга кыттар быраабы ылбыттара. Атын тоҕус кыттааччы инники күрэхтэһиилэргэ үрдүк көрдөрүүлэринэн талыллан киириэхтэрэ.

Санатан эттэххэ, “Дыгын оонньуутун” өссө быйыл күһүн Дьокуускай куорат күнүгэр ыытыллара былааннанан баран, коронавирус дьаҥын республикаҕа балаһыанньатынан сибээстээн болдьоҕо көһөн биэрбитэ.

Бу улахан тэрээһини көрсө Константин Бурцев начаалынньыктаах Дьокуускай куорат физическэй култуураҕа уонна спорка управлениета быйыл сайыҥҥыттан улахан үлэни ыыта сылдьар. Онон, төһө даҕаны билигин коронавирус дьаҥынан ыарахан күннэр бүрүүкээн турдаллар, “Дыгын оонньуулара” 2020 сыллааҕы күрэхтэһиитэ ахсынньы ый саҥатыгар Дьокуускай куорат “Триумф” спортивнай комплексыгар көрөөччүтэ суох ыытыллара быһаарылынна. Күрэхтэһиини “Саха” национальнай көрдөрөр-иһитиннэрэр хампаанньа быһа эфирга көрдөрөрүөҕэ.

***

Источник: ulusMedia

Оставить комментарий