Курс валют
$
57.41
1.04
55.41
0.32
Курс валют
Курс валют
$
57.41
1.04
55.41
0.32
Меню
Поиск по сайту

“Дальневосточнай ипотеканан” иэс ылбыт дьоҥҥо сыл аҥарыгар диэри каникул биллэриллэр

14.03.2022 12:30 0
“Дальневосточнай ипотеканан” иэс ылбыт дьоҥҥо сыл аҥарыгар диэри каникул биллэриллэр

 “Дальневосточнай ипотеканан” кредит ылбыт дьон кыайан иэстэрин төлүүр кыахтара  суох буоллаҕына, балаҕан ыйын 3-гар диэри бааннарга сайабылыанньа суруйан  төлөбүрдэрин 1-6 ыйга сыҕарытан эбэтэр кыччатан биэриэхтэрин сөп. Сайабылыанньаҕытыгар булгуччу ханнык көрүҥү таларгытын ыйыахтааххыт – болдьоҕун сыҕарытары дуу эбэтэр ыйдааҕы төлөбүрү кыччатары дуу. Өскөтүн бааҥҥа сайабылыанньа суруйбакка эрэ төлөбүргүтүн хойутаттаххытына – ыстараап, пени ааҕыллар.

“Дальневосточнай ипотека” 2019 сылтан үлэлиир.  Бу программанан саамай элбэх кредити Приморье, Саха сирин уонна Хабаровскай кыраай дьоно ылбыт.

Бу сылтан ыла сорох куораттарга урут тутуллубут дьиэлэргэ (вторичка) квартира ыларга чэпчэтиилээх ипотеканы туһанары көнүллээбиттэрэ. Саха сиригэр – Удачнай, Нерюнгри Айхал куораттарыгар 2%-наах ипотеканан “вторичкаҕа” дьиэ ылыаххын сөп. Оттон Дьокускайга – саҥа дьиэҕэ эрэ.

Муус устартан “дальневосточнай ипотеканан” учууталлар уонна быраастар туһанар буолуохтара диэн федеральнай хаһыаттар суруйаллар.

***

Aartyk.Ru

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»