Мантан быйыл 5км. аспаал суол кутар. Аспаал суол Сиэйэ нэһилиэгин иһинэн ааһыаҕа. Улахан үлэ муус устар ыйтан саҕаламмыта.
Бэс ыйтан сиэмэнтэ буорун кутуу барбыта. Билигин аспаалын кутан саҕалаатылар. Тэрилтэ бэйэтигэр аспаал собуота үлэлиир буолан, үлэ тэтимнээхтик барар. Онон балаҕан ыйын саҕаланыыта аспаал кутуутун бүтэриэхтэрэ.
Өрөмүөн үлэтэ айан сырыытыгар улахан мэһэйдэри үөскэппэт. Үлэ кыраапык быһыытынан сааһыланан барар.Эһиил эмиэ бу суол кэрчигэр салгыы өрөмүөн үлэлэрэ салҕаныахтара.
“СунтарАвтодор” тэрилтэ “Бүлүү” федеральнай трасса 963-976 км. Сунтаартан тахсыыга Күүккүрэ үрэҕэр диэри уопсайа 14 км. усталаах суолга 2 этабынан өрөмүөн үлэтин ыытар.
Быйыл 6 км. уһуннаах суолу аспааллыахтара. Бу ыйтан аспаалын кутан саҕалаан, атырдьах ыйын бүтүүтэ бүтэрэр соруктаахтар.
Бу суол кэрчигин оҥоруу өссө 2022 сылтан ыытыллыбыта. Уу турар сирэ буолан суол туруга мөлтөх буолара. Ону бу сыллар устата тэҥнээһиҥҥэ, уутун ыытааһыҥҥа үлэлэр барбыттара. Уу барар турбаларын улаатыннаран биэрбиттэрэ. Бу суол кэрчигэр сырдатыы баар буолуоҕа. Ону тэҥэ, “Сунтаар” диэн киирии сиргэ бэлиэҕэ тиэхиньикэ тохтобула оҥоһуллуоҕа. Ол эрэн, бу үлэлэр эһиил ыытыллыахтара. “СунтарАвтодор” тэрилтэ бэйэтэ щебенка оҥорор буолан, суолга бэйэ матырыйаала туһаныллар.
***
Мира АФАНАСЬЕВА
Оставить комментарий