Аттаах тумулга өссө биир монумент арылынна

Элгээн суолун тоҕойугар турар “Аттаах тумул” аһаҕас халлаан анныгар мемориальнай комплекс 30 сыл ынараа өттүгэр төрүттэммитэ. Ол курдук, аан бастаан 1995 сыллаахха Улуу кыайыы сэргэтин туруорбуттара. Бу өйдөбүнньүк Элгээнтэн төрүттээх Аҕа дойду Улуу сэриитигэр кыттыбыт 33 саллаат сырдык аатыгар аналлаах.

Бүгүн ытык сиргэ дьон-сэргэ тоҕуоруһа мустан Кыайыы 80 сылыгар аналлаах өйдөбүнньүгү арыйдылар. Онон комплекс өссө биир тупсаҕай тутуунан, оҥоһуунан киэркэйдэ. Үйэлээх үлэни көҕүлээччи,  тэрийээччи Иван Федоров, аны 20 сылынан, манна 100 сыллаах Кыайыы сэргэтин туруоруохха диэн этии киллэрдэ. 

***
Сунтаар улууhун пресс-сулууспата