Афанасий АЛЕКСЕЕВ: Миигин эрэ тыыппатыннар диэн кутуйах иинин кэҥэтэр кэм ааста
-Афанасий Павлович, уу-чуумпутук бизнеһинэн дьарыктана-дьарыктана сылдьыбакка, тоҕо общественнай үлэҕэ, политикаҕа кыттыһаҕын? – диэн дьоҥҥо биллэр аатынан – Японецтан ыйытабын.
-Миигин эрэ тыыппатыннар диэн кутуйах иинин кэҥэтэн-кэҥэтэн ханна-туох олоххо тиийбиппитин бэйэҥ көрөҕүн. Политиканы интэриэһиргээбэппин, ким да депутат буоллун дииллэр. Дьэ суох. Госдума быыбара – президент да быыбарыттан ордук суолталаах быыбар. Бу – барыбыт кырата биэс сыллааҕы олохпутун быһаарар, хас биирдиибитигэр быһаччы дьайар быыбар. Төрүү илик оҕоттон саҕалаан тайахха тирэнэр кырдьаҕаска тиийэ. Эн оҕоҥ, ыччатыҥ, бэйэҥ, ийэҥ-аҕаҥ киһилии олоруон баҕарар буоллаххына – хайаан да быыбарга кэлиэхтээххин. Хайаан да олоҕуҥ туһугар БЭЙЭН киирсиэхтээххин, атын дьоҥҥо сэлээннээбэккэ.Быыбарга булгуччу тиийиэххэ наада, уонна чуолаан балаҕан ыйын 20-гэр. «Ньыгыллар» былааска хаалаары араас албастары барытын туһанан быыбардыыр күммүтүн үс күн уһаттылар. Ааспыт быыбарга балтым бүтэһик күҥҥэ киэһэ тиийбитэ кини оннугар быыбардаан кэбиспиттэрин көрөн соһуйан кэпсээбитэ. Бары сэрэйэр инигит, ким туһугар куоластаабыт курдук оҥорбуттарын? Онон тиһэх күҥҥэ быыбардыыр учаастакка тиийиэххэ наада.
-Ааспыт быыбарга коммунистарга куоластыахха диэн ыҥырбытыҥ, бу сырыыга кими өйүүгүн?
-Ааспыт быыбарга тоҕо коммунистарга ыҥырбыппыный? Тоҕо диэтэххэ, «ньыгыллары» утарарга, куолаһы кыра партияларынан бытарыппакка – биир партияны өйүөххэ диэн санааттан. Билигин талар кыах баар буолла – саҥа партия «Новые люди», чуолаан биир мандаттаах уокурукка Ньургуйаана Заморщикованы күүскэ өйүүбүн.
-Тоҕо?
-Бу турбут кандидаттартан былаастан тутулуга суох кандидат Заморщикова эрэ баар. Уоннааҕылар бары бюджет үлэһиттэрэ. Бүгүн-сарсын ыҥыран ылан «үлэҕиттэн ууратыам» диэтэхтэринэ ылы-чып барар дьон. Онтон Сөдүөт Тумууһабы бэйэҕит билэҕит – билиҥҥи Ил Дарханы бэйэтэ бэлэмнээн, бэлэһигэр силлээн иитэн-такайан таһаарбыт киһитэ. Үүт-үкчүлэр, кини да Айсен Николаев да биирдэр. Публикаҕа «сэриилэспитэ» буолан оонньуу сылдьаллар.
-Талааннаах артыыстар?
-Олус талааннаахтар – дьон өйүн-санаатын албыннаан-көлдьүннээн сүүйэргэ.Тоҕо биир куомуннаахтарын биир бэйэм холобурбуттан кэпсиэм. Биэс сыллааҕыта кыра, дьоҕус урбааны өйүүр РОСТ диэн партияттан тахсан депутакка тур, өйүөхпүт диэн эппиттэрэ. Толкуйдаан баран сөбүлэспитим. Докумуон толорон, туох баар ирдэбили ааһан партия сийиэһигэр кандидатурам бигэргэтиллиэхтээҕэ. Ол иннинэ быыбарга киирсиэм диэн кимиэхэ да быктарбакка сылдьыбытым.Москваҕа партия сийиэһэ буолла, арай мин ааппын ааттаабатылар. Хайдах-хайдаҕый диэн сийиэскэ барбыт партия маннааҕы салайааччыта Тимошенко бэйэбэр эрийэр. Сийиэс бүппүтүн кэннэ биллибитэ, партия федеральнай салалтата этэр: дьэ бу сарсыарда 4 чаас саҕана эрийэн Алексеев кандидатуратын уһул диэн модьуйдулар, хаһан да, кими да итинник суһаллык уһулларбатахтара диэн. Сийиэс иннинэ аҕай РОСТар сайтарыгар кандидаттары таһаарбыттар. Ол ону маннааҕы АГИПтар көрөн, түрүлүөн бөҕө түһэрэн түүннэри «үлэлээн» кандидатурабын уһултаран тураллар.
-Тоҕо?
-Мин эмиэ Айсен Николаевтан уун-утары олорон: «Тоҕо?» – диэн ыйыппытым. «Тоҕо диэтэххэ, биир мандаттаахха Сөдүөт Тумууһап кыайыахтаах диэн эрдэ кэпсэтиллибитэ», – диэн хардарбыта. Бу «ньыгыллар» тойонноро итинник тыллаһа олорор. Ол иһин ааспыт быыбарга улаханнык биллибэт кандидаты туруордахтара. Бу сырыыга эмиэ оннук хайысханан бардылар. Петр Шамаев туох саҥалаах-иҥэлээх, тыллаах-остөөх эбитий диэн дебаттарга кэтэһэ сатаатыбыт да, олох кытыннарбаттар. Сыанаҕа тахсан лозунг эрэ хаһыытыыр: «Саха ыччата бары бииргэ!»…онон бүтэр.Аны улахан араллаана суох Тумууһап хампаанньатын ыытан иһэн, Заморщикова инники күөҥҥэ тахсан эрэрэ биллээтин кытары – ыксаатылар быһыылаах – баннер бөҕө буолла, соцситимҥэ ыҥырыы, теевизорынан ылгын уолун «үөхпүтэ» буолан туттуу-хаптыы элбээтэ. Дьиҥинэн Айсеннаах Сөдүөт биир хамаанда дьон буоллаҕа – аҕа-уол курдук.
-Амманан эҥин Заморщикованы кытары сырыттыҥ. Дьон хайдах көрсөр?
-Боростой дьон наһаа үчүгэйдик көрсөр. Этинэллэр ахан.
-Былаас?
-Биллэн турар харгыс, мэһэй бөҕө. Дьиэ биэрбэттэр, дьону көрсүмэҥ диэн дьаһайаллар.
-Куттал-баттал?
-Барыта кутталынан. Уонна дьону быыбарга кэлбэттэрин курдук соруйан апатияҕа киллэрэллэр – эн куолаһыҥ тугу да быһаарбат, ол биир киһи утаран тугу гыныаҕай диэн. Дьиҥэ бары утараллар «ныгыл» былааһын. Дьон быыбарга тахсыан эрэ наада.Статистиканы да көрөргүт буолуо: сылтан сыл аайы дьон быыбарга кэлэрэ аҕыйаан иһэр. Наадалаах, ыгыллан-түүрүллэн эрэ кэлбит дьон куоластыыр. Аһаҕастык айдаарбакка эрэ кэлэн куоластааҥ: кабинкаҕа ким да батыһан киирбэт, бэйэҕит эрэ баар буолаҕыт диэн дьоҥҥо этэбин.
-Предприниматель киһи быһыытынан эт эрэ: бу бэйэтин дьыалатынан дьарыктанар киһи хайдах-туох ураты майгылаах буолар дии саныыгын?
-Бэйэтин олоҕун бэйэтэ оҥостор күүстээх санаалаах киһи. Түргэн-тарҕан туттунуулаах, тобуллаҕас өйдөөх. Ыарахантан толлубат, тостубат. Ол аата эппиэтинэһи уйар. Бэйэтин эрэ иннигэр буолбатах – дьонун, дьиэ кэргэнин, хамнастыыр дьонун иннигэр улахан эппиэтинэһи сүгэр. Кини саҥаҕа аһаҕас. Былыргы эргиэмсиктэри-меценатттары да ылан көрүөҕүҥ. Кинилэр сайдыыны норуоттарыгар аҕалбыттара – оскуола, балыыһа тутаттаан, дьадаҥы дьон оҕолорун үөрэттэрэллэригэр пансион тэрийэн, кыраны-кыамматы өйөөн. Аан бастаан электричествоны Хаҥаласка 1914 сыллаахха Барашков атыыһыт аҕалбыта. Дьиэтигэр эрэ буолбакка, хотонугар кытары уот тардыбыта. Ити Ньургуйаана хос-хос эһэтэ. Суорунаны миэлиҥсэнэн солбуйбуттара, эми-тому, аһы-үөлү, үлэ миэстэтин дэлэппиттэрэ, норуоттарын үөрэхтииргэ дьулуспуттара, сырдыкка сирдээбиттэрэ. Былыргы атыыһыттар киэҥ ыырдаах, улахан эргитиилээх дьон этилэр.Аан дойдуга экономиканы дьоҕус уонна кыра бизнес оҥорор. Биһиэхэ дьоҕус, орто бизнес сайдарыгар элбэх харгыс, моһол бөҕө.Бэйэтин бэйэтэ ииттинэр кыахтаах киһи – тутулуга суох буолар. Былаастан, систиэмэттэн. Тутулуга суох дьон – көҥүллэр. Көҥүл санаалаах дьон элбээтэҕинэ систиэмэҕэ куттал суоһуур. Ол иһин дьону тыыннаах эрэ хаалар туһугар пособияҕа, пенсияҕа, кыра хамнаска, өр сыллаах иэс хабалатыгар олордо сатыыллар.Ыччаппыт дойдутугар хаалар усулуобуйата үөcкүөхтээх. Ол – биһигиттэн, хас биирдиибититтэн тутулуктаах. Олоҕу уларытар биир улахан кыах баар – быыбар. Быыбарга тахсыҥ, санааҕытын этиҥ, оҕоҕут-ыччаккыт туһугар быыбар оҥороргутун өйдөөҥ.
***
Афанасий АЛЕКСЕЕВЫ кытары толору видео интервьюну бу сигэнэн киирэн көрүөххүтүн сөп.
***
Туйаара НУТЧИНА,
Aartyk.Ru
Aartyk.Ru
Сөбү этэр. Инникибит туһугар быыбардыахпытын наада
Билигин оппозиция5а майгынныыр КПРФ эрэ баар. Атыттар былаас этэринэн сылдьаллар, Госдума5а ньыгыллар курдук куоластыыллар. РФ Конституциятын уларытыыны КПРФ эрэ утарбыта. Депутат ким да буоллун, Госдума5а КПРФ бары биирдик куоластыыр. Кэлэр быыбар саамай быьаарыылаах. Олох, ил Дархан, мобилизация барыта онтон тутулуктаах. Онон дьэ толкуйдаан баран куоластаан.
Мин санаабар КПРФ эрэ тула буоллахха кыайыы кэлиэн сөп. Ер баартыйаны КПРФ эрэ кыайар кыахтаах!
Норуот киһитэ, Онкул сөпкө этэллэр, КПРФ эрэ кыайар кыахтаах эбит.
Алексеев ” мин РОСТ баартыйаттан Госдума быыбарыгар турарбын утарбыттара” диэн хомолтолоох эбит. Уопсай көрүүтэ системата суох , булкуур эбит. Судаарыстыба социальнай политикатын, пособия , пенсия бэриллиитин туох эрэ дьону судаарыстыба иэскэ ылар, дьон көҥүлүн буомнуур ньыма курдук этэр. Уопсайынан, биллэр позиция. Государство социальнай буолуо суохтаах, аһын – таҥаһын, үбүн харчытын эргинэн булунар улаҕалаах өйдөөх атыыһыт баай дьон судаарыстыбаттан ” көҥүл” буолар, талбытынан сылдьар, дьаһанар идеологияларын этэр. Неолиберализм, 90 – с ” лихой” сылларга күннүү сылдьыбыт идеология этиллэр. Аныгы кэмҥэ өссө салгыы сайдан ” технофашизм” диэн аатынан биллэн – көстөн эрэр идеология да көстөр, бу Алексеев санаатын этиниитигэр. Дьэ, ону ким хайдах саныыра, көҥүлгүт.
Заморщикова??! Она же клон Авкси!!
Ааспыт быыбарга атын Партиялар ылбыт куоластарын ЕР партия5а атыылаабыттара. 100,0 т.солк. Хас биирдии партия5а. Дьон оннон депутата суох хаалтара. Центр. СМИ политиктар журналистар суруйаллар. Ол иhин дьон туhутар улэ барбат. ЛДПР бастаан эмиэ барыны бары то5о котуох курдук этэ. СР эмиэ чуумпу. Новые люди омун толон элбэх этэ. Эмиэ биллибэттэр. Аммосов КПРФ ГД тугу барытын кыйыах курдук этэ да. Ханнаный.Мавзолейга сытар дуу. Саатар уу уот ЧС кэмигэр комо харчы суох бу дьонтон. ГД-5а харчы хомуйан техника ылан биэриэ этилэр. Харчыннан буолбатах. Тойоттор уоруохтара. Малынан техника. Суохтар. С. Авксентьева суттэ.Ити аата улэлээбэт дьон. Тоттору ыцыран ылыахха. Таах сибиэ албын дьон эбит.ГД ИТ гордума район депутаттара туохха наадалаах дьонуй. Сымыйа туох эрэ сабылаах секта. Туспа дьонтон туора тураллар.Ол иhин норуот эстэр.
Туох да дьиэбит иһин КПРФ ордук.
Наhаа нунулаама, “Неолиберализм” да, “неоязычество” да буоллун, маннык АФАНАСИЙ КУРДУК аныгылыы, сытыы ейдеех саха уолаттара, новай “Манньыаттаах уолаттара”, “Барашковтар” наадалар саатар Ил-Тумэннэ. Наhаа да Госдума5а буолбатар. Тыа5а чааhынай капитал аhатан олорор бары еттунэн….. Ким да диэбиккит иhин
Тыалар – куораттар мөлүйүөнүнэн – миллиардынан суумалаах ороскуоттарын, социальнай обьектары – оскуолалары, оҕо саадтарын , кулууптары, электростанциялары, ЖКХ – ны үлэлэтиигэ ороскуоттары ким хааччыйарый ? ” Бу Афанасий курдук”, ” новай манньыаттаахтар”, ” барашковтар” дуо ? Холоон ини. Социальнай судаарыстыба диэн советскай тутул тобоҕо баар буолан дьаһаллар. Тыа ыалларын , дьонун ” чааһынай капитал” буолбатах, ыаллар ынах, сылгы, көтөр иитэр натуральнай хаһаайыстыбалара уонна судаарыстыбаттан дотация, субсидия ылар кооперативтар аһатан олороллор. Чааһынай Капитал диэн улахан үбү – харчыны эргитиини, улахан промышленнай оҥорон таһаарыыны этиллэр. ” Чааһынай капитал” диэн саха тыатын сиригэр сыта да суох. Туох эмэ үп харчы, судаарыстыба федеральнай бюджетын дотациятыттан, субсидиятыттан быһа тутуллан, ордон, үөскээн, эргитиллэн тахсыбыты ” чааһынай капиталистарбыт” тута чугаһынан Якутскай куоракка, ыраатыннара Американан – Азиянан мачайдыыллар.
Туох да эрэйэ суох тоттору дойдугутугар Кытайга барыц. Билигин онно +35*С эбит. Барыта робот автомат ИИ. Киhи барыта улэлээх.Манна эмиэ мамоннар курдук тоцон олуохпут. Дойдуну уоран сиэн бутэрбиттэр. Депутаттар сымыйа дойгохторун итэ5эйэн да. Бэлэмцэ олорон кулуу гынан ону Маны лахсыйаллар. То5о эрдэ барытын оцорботулар. Улэлээбэттэр. Дьон ойун санаатын буккуйан.Оссо кулэллэрэ буолуо. Акаарылар итэ5эйэллэр диэн. ГД деп.хас да омук паспордаахтар. О5олоро ойохторо онно бааллар.Бугун кэлэн итэ5эhи корбуттэр эбит дии.
Ити Афанасий Алексеев тоҕо бюджетниктарга тииһэ наһаа кырыыламмыт киһиний? Олох үүрүүнэн сылдьар ыстаада курдук этэн таһаарда. Бюджетниктар суох буоллахтарына оҕолорун ким үөрэтэрий, дьонун ким эмтиирий? Үчүгэй предприниматель диэн туох эрэ продукцияны, материальнай ценноһы оҥорон таһаарар киһи буолуохтаах буолбатах дуо? Кытайга оҥоһуллубут реплика саппаас чаастарын атыылааһын эмиэ наада эрээри, онтун даҕаны бюджет харчыта эргийдэҕинэ атыылаһаллар ини.
Туох да диэбиккит иhин хотуларга чааhынай “лааппылар” ас-танас туох да бюрократията суох а5алан населениены аhатан абыраан олороллор. Якутскайга да кердеххе оннук курдук дии: тц-лар, моллар и т. д. Ар5аа дойдулар методом проб и ошибок капитализм араас сайдыы кэмин ааспыттара за несколько веков, наш этап капитализма тоже. Билигин у нас “капитализм абсолютно латиноамериканского толка: олигархический, сырьевой, непроизводительный”. У нас КАпитализм сайдыбыта 30-ча сылын да туола илик. Всему свое время: производства да кэлиэ5э. Тохтоппоккут буолуо. Социализма хотите езжайте где социализм на карте
Вы не в курсе, что капитализм как социально – экономический строй вообще изживает себя. То что вы называете лучшим проявлением капитализма, указывая на торговцев, обеспечивающих продуктами – товарами нас, это – не капитализм. Это просто торговцы. Торговцы были всегда при любом строе. У России сегодня – плохая модель совмещения американской и китайской системы государственного социально – экономического строя. Мир движется не к “лучшему , совершенному капитализму”, а к строю, где не интересы капитала и извлечения частной прибыли во главе, а во главе будут интересы решения глобальных задач – экология, безопасность от пандемий, глобальный голод, безопасная технология, информационная безопасность, контроль над глобальным криминалом и т.д. Короче, вопросы простого выживания человечества. Интересы частного капитала в этом строе будут подчинены другим структурам – общественным, государственным. Государства , не обеспечивающие эту подчиненность частного капитала , будут так или иначе обречены и подчинены макро мир – образованиям. Пока на сегодня лучший прообраз этого строя видна на примере Китая под руководством Си Цзинпина. Есть и другие примеры – Иран, КНДР. Индия что то моделирует. Россия начала свою модель. Саудовская Аравия и арабские страны тоже свою модель пробуют. Турция. И т.д. ” Лучшая модель капитализма” в лице Европы и США в 20 – м веке обречена и потому они отчаянно развязывают сегодняшние конфликты. Это их частные капиталисты , их узкий высший слой капиталистов в всего сотню семейных кланов, присосавшихся к мировой экономике и распоряжаюсиеся триллионами мировых финансов и богатств, сегодня рулят войнами на Украине и на Ближнем Востоке. И пытаются продвигать идеологию неолиберализма и технофашизма. Даже в нашей окраине устами наших доморощенных ” либералов и капиталистов”.
Термин “капитализм” термин мар-ленин. политэкономии. Игра терминов, а не понятий. Главное всегда будет частная собственность в разных ипостасях, там и будет ответственность и развитие без канителей, без бюрократии, главное припадет и народу. Главное что народу понравилось. Ему много не надо, как сейчас большинство народа довольно своей жизнью – осуокай, национальное шитье, сообщество по интересам. Главное пожилые люди в Якутии доволны и ведут интересный образ жизни. Большинство съехалось с сел и деревень в Якутск, обзавелись квартирами, домами. И довольны, не хотят обратно в советское время, развитой социализм. Вообще не будет ни социализма, ни капитализма, а что-то среднее
Онон КПРФ уоластыыбыт
Сам бесплатный театр. Было видео беседы Нутчиной с А. Алексеевым – по всем СМИ показывали, отсюда и фото.
Оччо5уна кырдьык эбит.Сирэйигэр пластика оцорбута. Олох атын киhи дии. Урут 90-сылларга воры в законе бандиттар ицин пластика оцорторон баран граница таhыгар курууллэрэ. С. Филиппов -Дорожный картель. Билигин хаайыга олорор. Эмиэ пластика бо5о этэ. Эдэригэр туспутэ.Репоксация живота – диэн баар Якутскайга обл. Больница5а. Онно иhиц сыатын/хаhа5ын оборторон ылаллар. Стройняжка буола5ын. А то куруук хронический беременный курдук эр дьон элбэх. Кып кыра аата истэрин соhо сылдьаллар. Уродство.Туораттан корорго ужас.ЗОЖ физра спортзал .Хара улэ учугэй. Сыалаах эти балыгы арыыны а5ыйатыц. О5уруот аhа овощи капуста морковь лук кабачок яблока от мас туьалаах.О5олоргут биир уксэ эмиэ инвалид наhаа эмистэр. Сопко корон аhатыц.Химозаны сиэтимэц. Дьаат!
Ю. Корея5а Китайга бары пластическай операция олороллор.Харахтарын кэцэтэн муннуларын уhатан. Скулы лица отуйэннэн охсон кыччаталлар эбит. Аны маньчжурдар уксэ тара5ай дьон эбиттэр. Батта5ы запросто парих. эбии ууннэрэн биэрэллэр эбит. Сырайы мацхатыы не вопрос. Барытын баhылаан дьону итэ5эстэрин коннорон биэрэллэр. Куукула курдук оцоруохтара. Ордук артистар ырыаhыттар оцостоллор.Биhиэхэ итинник Нацпроект баара буоллар. Дьон тас коруцэ лаппа тупсуо этэ.Саатар ойдоох ицин курдук костуо этэ.