Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Саха тылын учууталларын 2 сийиэстэрин чэрчитинэн сийиэс дэлэгээттэрэ уонна биллэр суруйааччылар муһуннулар

23.11.2022 09:30 0
Саха тылын учууталларын 2 сийиэстэрин чэрчитинэн сийиэс дэлэгээттэрэ уонна биллэр суруйааччылар муһуннулар

Саха тылын учууталларын 2 сийиэстэрин чэрчитинэн сэтинньи 22 күнүгэр, киэһээлик 16:00 чаастан С.Н. Донской – II аатын сүгэр Үөрэх сайдыытын уонна идэни үрдэтэр үнстүтүүтүн дьиэтигэр Литэрэтиринэй солуон тула сийиэс дэлэгээттэрэ уонна биллэр суруйааччылар муһуннулар.


СӨ аа5ыы сылыгар анаммыт тэрээһиҥҥэ норуот поэта И.В. Мигалкин, норуот суруйааччылара С.А.Попов-Тумат, Н.В. Михалева-Сайа, прозаик А.Е. Варламова-Айысхаана кыттыыны ыллылар.

Дьокуускай куорат 1 N-дээх оскуолатыттан ”Тыыннаах тыл” саха тылын учуутала А.Д.Попова салайааччылаах оҕолор бөлөхтөрө уус-ураннык ырыа ыллаан, хоһоон ааҕан иһитиннэрдилэр. 7-с N-дээх оскуола саха тылын учуутала Ж.Н. Петрова үөрэнээччилэрэ Д.К.Сивцев-Суорун Омоллоон ”Сайсары” драматыттан быһа тардыыны мустубут дьон кэрэхсиир гына кыайа-хото көрдөрдүлэр.

«Айар” кинигэ кыһатын редактора О.А. Янцен кинигэ оҥоруутугар саҥа сыыппара технологиятын туһунан кэпсээтэ. ”Үрдэл” паарка арт-директора Николь Егорова саха чулуу дьонун мэтириэттэрэ уонна кэс тыллара суруллубут халандаара хайдах тиһилэн тахсыбытын туһунан сырдатта уонна ыалдьыт суруйааччыларга бэлэх уунна. Бэтэрээн учуутал П.П. Кондратьев истиҥ санааларын этэн туран, хоһоонун аахта.

”Аныгы кэм уонна ааҕыы туһунан” диэн тиэмэҕэ суруйааччылар учууталары кыта истиҥник кэпсэттилэр. Учууталлар суруйбут хоһооннорун ааҕан, биһирэбили ыллылар. Хаҥалас, Үөһээ Дьааҥы, Чурапчы, Мэҥэ Хаҥалас, Үөһээ Бүлүү, Горнай о.д.а. улуустар дэлэгээттэрэ көхтөөх кыттыыны ыллылар.

Литэрэтиирнэй солуон уопсай хаартыскаҕа түһүүнэн түмүктэннэ.

***

Февронья Ядрихинская

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»