Курс валют
$
90.65
0.33
98.58
0.19
Курс валют
Курс валют
$
90.65
0.33
98.58
0.19
Меню
Поиск по сайту

101 саастаах ытык кырдьаҕас олохтон туораата

24.08.2022 06:53 0
101 саастаах ытык кырдьаҕас олохтон туораата

Атырдьах ыйын 22 күнүгэр Дьокуускай куоракка оҕолорун, сиэннэрин, хос сиэннэрин көрүүтүгэр-истиитигэр олорон 101 саастаах Үөһээ Халыма Арыылаах сэлиэнньэтиттэн төрүттээх, тыыл, үлэ бэтэрээнэ, Үөһээ Халыма улууһун, Арыылаах нэһилиэгин Бочуоттаах олохтооҕо, Саха Өрөспүүбүлүкэтин Бочуоттаах бэтэрээнэ, СӨ тыатын хаһаайыстыбатын бэтэрээнэ Дьячкова Мария Максимовна күн сириттэн туораата.

Бүтүн үйэ саастаах кырдьаҕас олоҕун тухары дойдубутугар буолар элбэх уларыйыылары илэ хараҕынан көрбүт, этинэн-сиининэн билбит киһи этэ. Колхуостааһын, уоттаах сэрии сыллара, сопхуостар тэриллиилэрэ, бөдөҥсүтүүлэрэ, ыһыллыылара. Ааспыт үйэ кытаанах мускуурдарыгар, колхуос, сопхуос ыарахан үлэтигэр эриллибит киһи кини көнө майгылаах, тулуурдаах, бэриниилээх, туохтан да чаҕыйбат, дьоҥҥо истиҥ сыаһыаннаах кырдьаҕас этэ.

Мария Максимовна олунньу ый 10 күнүгэр 1921 сыллаахха Эмис балыктаах диэн алааска Таала-Күөл тоҕойугар Дьячковтар дьиэ кэргэннэригэр төрдүс оҕонон күн сирин көрбүт. Оскуолаҕа 5-с кылааска дылы Арылаахха, онтон Үөһээ Таалаҕа, Орто Халыма куоратыгар үөрэнэн 7 кылаастаах үөрэҕи ылбыт, ол үрдүнэн счетовод курсун бүтэрбит. Бу кэмҥэ сэрии саҕаланан оскуолаҕа ситэри үөрэммэккэ дойдутугар төннөн кэлэргэ күһэллибит. Онтон ыла колхозка, совхозка кырдьыар дылы күүһэ баарынан ыанньыксыттаабыта, туйгун үлэһит аатын ылыахтааҕын ылбыта. Кэргэнинээн Алексей Степановичтыын холбоон сэттэ оҕону иитэн, үөрэттэрэн, атахтарыгар туруорбуттара.

Кэлиҥҥи сүүрбэччэ сыл Мария Максимовна соҕотох кыыһыгар Дьокуускайга көһөн кэлэн оҕолорун, сиэннэрин, хос сиэннэрин сылаас сыһыаннарыгар убанан дьоллоох үйэ сааһыгар тиийдэҕэ.

***
Биһиги, Арыылаахтан төрүттээх биир дойдулаахтара, Мария Максимовна оҕолоругар, сиэннэригэр, хос сиэннэригэр, бары аймахтарыгар дириҥ кутурҕаммытын тиэрдэбит.

 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»