Курс валют
$
94.32
0.25
100.28
0.34
Курс валют
Курс валют
$
94.32
0.25
100.28
0.34
Меню
Поиск по сайту

ӨССӨ БИИР ҮӨРҮҮЛЭЭХ СОНУН

15.03.2024 12:20 0
ӨССӨ БИИР ҮӨРҮҮЛЭЭХ СОНУН

Кулун тутар 23 күнүгэр “Сахаагроплем” судаарыстыба бүддьүөтүн тэрилтэтин дьиэтигэр “Саха өрөспүүбүлүкэтигэр 2023 сылга племенной үлэ түмүктэрэ” диэн ис хоһоонноох сүбэ мунньах буолан ааста.

Манна тыа хаһаайыстыбатын министиэристибэтин, тэрилтэлэр, племенной хаһаайыстыбалар салайааччылара, исписэлиистэрэ өрөспүүбүлүкэҕэ племенной дьыала бүгүҥҥү туругун, баар уустуктары ахтан туран, үлэлэрин-хамнастарын туһунан дакылаат оҥордулар. Мунньах иккис чааһыгар ааспыт сыллааҕы үлэ түмүктэринэн Россия таһымнаах наҕараадалары итиэннэ сорох хаһаайыстыбаларга Россия федерациятын тыатын хаһаайыстыбатын министиэристибэтин племенной хаһаайыстыба, собуот буолалларын бигэргэтэр сибидиэтэлистибэлэри туттартаатылар.

Олор истэригэр 2023 сылга племенной уонна cүөһү иитиитигэр ситиһиилэрин иһин “Бөртө сылгы собуота” хааччахтаммыт эппиэтинэстээх тэрилтэ 25-с “Көмүс күһүн” Россия агропромышленнай быыстапкатын кыһыл көмүс мэтээлин уонна дипломун туттардылар.

Бу хаһаайыстыба өрөспүүбүлүкэҕэ биир бастыҥ үлэлээх хаһаайыстыбанан биллэр.

Билиҥҥи туругунан хаһаайыстыбаҕа 930 ынах сүөһү турар. Онтон ыанара 400 төбө. Билигин 154 ынах төрөөн турар. Итини таһынан 38 калмык боруода сүөһү төрөөбүт. Күҥҥэ 2,5 т үүт ыана турар. Ааспыт сылы ыллахха бу хаһаайыстыбаҕа хас биирдии ыанар ынахтан 3400 киилэ үүтү ыабыттар.

Итини таһынан сүбэ мунньахха “Победа” хааччахтаммыт эппиэтинэстээх тэрилтэҕэ сылгы иитиитигэр племенной собуот буоларын бэлиэтиир сибидиэтэлистибэ туттарылынна. Дьиҥинэн хаһаайыстыба уруккута бу салааҕа племенной этэ. Ол болдьоҕо бүтэн племенной хаһаайыстыба буоларын өссө биирдэ дакаастаан үлэтинэн көрдөрөн ити ситиһиллибитин туһунан өссө ааспыт сыл бүтүүтүгэр россия тыатын хаһаайыстыбатын министиэристибэтин бирикээһэ тахсыбыт. Хаһаайыстыбаҕа билиҥҥи туругунан 427 сылгыны, онтон 261-рэ биэни тутан олороллор.

Бу икки хаһаайыстыба “Туймаада Агрохолдинг” АО састаабыгар киирэн үлэлээбиттэрэ номнуо бэһис сылын туолла. Ол тухары хаһаайыстыбалар үлэлэригэр элбэх уларыйыы таҕыста. Биир бастакынан сүөһү аһылыгын бэлэмнээһиҥҥэ ураты болҕомто ууруллан хампаанньа хаһаайыстыбаларыгар сири тупсарыы, бааһыналары кэҥэтии күүскэ ыытыллан эбии иҥэмтиэлээх аһылыгынан хааччыллыы улаатан иһэр. Ол түмүгэр тыа хаһаайыстыбатын бородууксуйата агрохолдинг хаһаайыстыбаларыгар улаатан иһэрэ биллэр-көстөр буолла.

***
Прокопий ХАБАРОВ 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»