Сунтаарга улуус үөрэҕириитин үлэһиттэрин сүбэ мунньаҕа тэрилиннэ
Балаҕан ыйын 18 күнүгэр, улуус үөрэҕириитин үлэһиттэрин сүбэ мунньаҕа тэрилиннэ.
Мунньах үөрүүлээх чааһыгар кэнчээри ыччаты үөрэх билии аартыгар угуйар, үүнэр кэскили сырдыкка сирдиир улуус үөрэҕириитигэр үлэлии-хамсыы кэлбит 23 эдэр саҥа үлэһиттэри чиэстээтилэр.
Улуус Аҕа баһылыга Анатолий Григорьев бүтүн Арассыыйа, Саха Өрөспүүбүлүкэтэ, Сунтаар улууһун үөрэҕириитин сайдыытыгар тус кылааттарын, өр сыллаах үрдүк таһаарыылаах үлэлэрин иһин «Российскай Федерация иитиигэ уонна үөрэхтээһиҥҥэ Бочуоттаах үлэһит» ааттары туттартаата. Улуустааҕы үөрэҕирии управлениетын салайааччыта Альберт Иванов «Саха Өрөспүүбүлүкэтин үөрэҕириитин туйгуна» бэлиэ наҕараадатын туттарда.
***
“Сунтаар улууhа (оройуона)” муниципальнай оройуон дьаһалтатын пресс – сулууспата
Оставить комментарий