Сунтаар улууһун эрчимнээх ыччата – сайдыы туһугар

Сунтаар улууһугар оробуочай сырыыннан үс үрдүк үөрэх кыһатын салаатыттан ЯГСХА ректора Иван Слепцов,  ЧГИФКиС ректора Иннокентий уонна АГИКиИ- ректора Саргылана Игнатьева  Элгээйи, Тойбохой орто оскуолатын уөрэнээччилэрин, учууталларын, төрөппуттэрин, улуус оскуолаларын директордарын, тэрилтэ салайааччыларын, нэһилиэк баһылыктарын кытта көрүстүлэр.

  Устудьуоннар олорор усулуобуйаларын, истипиэндьийэтин туһунан боппуруостар ырытылыннылар. Кэлин  сылтан сыл аайы устудьуон элбээтэҕинэ эбии уопсай дьиэ тутуллуохтааҕын бэлиэтээтилэр. Көрсүһүү түмүгэр улууспут Аҕа баһылыга Анатолий Григорьев инники көлүөнэ ыччаппыт аныгы сайдыылаах олоххо уөрэхтээх буолалларын туһугар үрдүк үөрэх кыһатын ректордарын кытары инникитин бииргэ үлэлииргэ сөбүлэн түһэристэ.

Ону тэҥэ улуус эдэр ыччатыгар анаан  “Сунтаар улууһун эрчимнээх ыччата – сайдыы туһугар!” – диэн санаанан салайтаран Элгээйи нэһилиэгэр улуустааҕы дьыалабыай оонньууга нэһилиэктэртэн барыта 17 хамаанда кэлэн үлэлэрин көрдөрдүлэр. Бэйэлэрин ыччат дьонун өйөөн, хамаандаларын иилээн-са5алаан Хоро, Туойдаах, Аллаҥа, Тубэй, Бүлүүчээн баһылыктара, Кэппэндээйи, Шея, Күүкэй,Кутана, Күндэйэ, Элгээйи, Уһун-Күөл, Устье баһылыктарын солбуйааччылара кэлбиттэрэ хайҕаллаах.

Маны таһынан Кириэстээхтэн, Тойбохойтон, Бордонтон ыччат хамаандалара тэринэн күрэххэ кыттыыны ыллылар. Балаһыанньа быһыытынан кыттааччылар алта хайысханан үлэлээтилэр: волонтерство, экология, патриотическэй иитии, бэйэ оҥорон таһаарыыта, ыччат сынньалаҥын тэрийии, дьарыктаах буолуу. Быйыл хамаандалар кыайыыга дьулуһуулара биллэ күүһүрбүтэ көстөр. Тыҥааһыннаах күрэх  буолан эдэр ыччаты биир сомоҕо түмтэ, инники үлэҕэ дьулуур биэрдэ.

***

МТ «Сунтаар улууha»  пресс-сулууспата