Сунтаар улууһугар үөрэх хаачыстыбатын таһымын боппуруостарын ырыттылар

Үөрэхтээһин – хайа да норуокка үйэ тухары тыын суолталаах боппуруос буолар. «Саха Өрөспүүбүлүкэтигэр үөрэҕирии сайдыытын стратегическэй хайысхаларын туһунан» Ил Дархан 190 №-дээх ыйааҕынан үөрэҕирии хаачыстыбатынан 15 бастыҥ эригийиэн иһигэр киирэргэ ситиһэр сыалтан эбии үөрэхтээһиҥҥэ саҥа көрүҥнэри, педагогическай үлэһиттэр таһымнарын үрдэтии уонна үөрэх хаачыстыбатын мониторинын тиһигэр улахан болҕомто уурабыт.

Сунтаар улууһун Аҕа баһылыга Анатолий Григорьев, баһылыгы социальнай уонна имиджевэй бэлиитикэҕэ солбуйааччы Гаврил Еремеев, үөрэх управлениятын салайааччыта Альберт Иванов “Центр мониторинга качества образования” МОиН РС(Я) директорын Надежда Поповалыын көрсөн улууска үөрэх хаачыстыбатын таһымын уонна биир кэлим эксээмэннэри туттарыы статистикатын боппуруостарыгар сүбэлэстилэр. Ити боппуруостарга сүрүн судаарыстыбаннай эксээмэни (ОГЭ) туттарар оҕолор төрөппүттэрин кытары сүбэ мунньах ыытыллара былааннанар.

***

“Сунтаар улууhа (оройуона)” муниципальнай оройуон дьаһалтатын пресс – сулууспата