ОЛОҤХО ДЕКАДАТЫН ЧЭРЧИТИНЭН ЫЫТЫЛЛАР ОЛОҤХО ОЛИМПИАДАТЫН БАЛАҺЫАННЬАТА

С.Н.Донской-II аатынан Үөрэҕи сайыннарар уонна идэни үрдэтэр институт филология  кафедрата норуот тылынан уус-уран айымньытын чыпчаала буолбут-олоҥхобут тылын-өһүн дириҥник билэргэ туһуламмыт үөрэнээччилэргэ аналлаах  олоҥхо  олимпиадатын  тэрийэн ыытар.

1. Олоҥхо олимпиадатын сыала-соруга:

Сыала.  Уус-уран тылынан сааһылаан суруйар, сиһилии ымпыктаан быһаарар, толкуйдуур, хоһуйар үөрүйэҕи иҥэрэр сүдү айымньы олоҥхо буоларын биллэрии.

Соруктара:

• Олоҥхону ааҕарга көҕүлээһин;
• Олоҥхо–уус-уран тыл чыпчаала, барҕа баайа буоларын өйдөтүү
• Төрөөбүт тылга ытыктабылы, тапталы иҥэрии;
• Ырытар, айар, чинчийэр дьоҕуру сайыннарыы;

2. Олоҥхо олимпиадатын кыттааччылара: 7-10 кылаас үөрэнээччилэрэ

3. Ыытыллар кэмэ: 23.11-27.11.2020.

Олимпиада сорудахтарын ссыылката  Үөрэҕи  сайыннарар уонна идэни үрдэтэр институт саайтыгар (http://iroipk-sakha.ru ) ыйыллыбыт кэмигэр тахсыаҕа.

4. Түмүк тахсар күнэ: 10.12.2020

Олимпиада сорудахтара кылаас ахсын үөрэх бырагыраамматынан бэриллибит олоҥхолорго тирэҕирэр.

Олоҥхо олимпиадата 3 түһүмэхтээх буолар.

Бастакы түһүмэх  2 чаастаах  1 чааһа олоҥхо ис хоһоонугар сыһыаннаах сорудахтар  Хас биирдии таба эппиэккэ икки баал, онтон 2-с чааһа тылыгар-өһүгэр сыһыаннаах сорудахтар, толору, таба эппиэккэ үс баал бэриллэр.

Иккис түһүмэх олоҥхо тиэмэтигэр сыһыаннаах уус-уран бэйэ суруйуутугар  ананар:  7-8 кылаастартан 100 тыллаах,  9-10 кылаастартан 150 тыллаах суруйуу ирдэнэр. Бэйэ суруйуута  20 баалынан сыаналанар.

Үһүс түһүмэх – бэриллибит тыллары быһаарыы. Тылы толору быһаарыыга икки баал бэриллэр.

5. Түмүк кылаастарынан тус-туһунан тахсар:

— 7 кылаас (1,2, 3 истиэпэннээх диплом, биһирэбил диплом);

— 8 кылаас 1,2, 3 истиэпэннээх диплом, биһирэбил диплом);

— 9 кылаас 1,2, 3 истиэпэннээх диплом, биһирэбил диплом);

— 10 кылаас 1,2, 3 истиэпэннээх диплом, биһирэбил диплом);      

Хас биирдии кыттааччыга туоһу сурук, диплом электроннай аадырыстарга  ыытыллар.

Олоҥхо  олимпиадатыгар  сайаапканы ыйыллыбыт ссыылканан  киирэн толороҥҥут сэтинньи ый 23 күнүгэр дылы ыытаҕыт.

https://forms.gle/sePBTnpagkENZx4v8

Күндү үөрэнээччилэр, убаастабыллаах учууталлар көхтөөх кыттыыны ыларгытыгар ыҥырабыт.

Уопсай түмүк Үөрэҕи  сайыннарар уонна идэни үрдэтэр институт уонна саайтыгар тахсыаҕа.

Дьүүллүүр  сүбэ

***

Источник: С.Н.Донской-II аатынан Үөрэҕи сайыннарар уонна идэни үрдэтэр институт