Ахсынньы 10 күнүгэр, Хадаҥҥа саҥа тутуллубут успуорт саалата үөрүүлээх быһыыга-майгыга арыллыыта буолла. Бу эбийиэк 2019 cыллаахха Сунтаар улууһун дьаһалтата үп харчы көрөн тутуллан саҕалаабыта. Биэс сыл устата, элбэх эрэйи көрөн, хас да бэдэрээччит уларыйан, дьэ тутуллан силигэ ситэн үлэҕэ киирдэ.
Бу бэлиэ күн үөрүүлээх түгэнинэн успуорт саалатыгар Хадан нэһилиэгин Бочуоттаах олохтооҕо, өрөспүүбүлүкэҕэ биллэр тустуук Альберт Захаров аата иҥэриллиитэ буолла. Успуорт саалатын иннигэр, анал байыаннай дьайыы хонуутугар олоҕун толук уурбут, Хадан нэһилиэгин олохтооҕо, Алексей Егоров сырдык кэриэһигэр, кини доҕотторо, кылааһынньыктара ыскамыайка туруордулар.
Саҥа тутуу, толору хааччыллыылаах, дьарыктанарга бары өттүнэн табыгастаах. Онон нэһилиэк олохтоохторо успуордунан дьарыктаналларыгар, сайдалларыгар толору кыах баар буолла.
Бу үтүө түгэни Хадан нэһилиэгин олохтоохторо, улахан кэнсиэр тэрийэн киэргэттилэр. Номнуо бастакы күрэхтэһии ыытылынна. Хадаттар үөрүүлэрин үллэстэ ыраахтан-чугастан элбэх ыалдьыт сырытта.
Дмитрий ЫМЫЧАНОВ
Оставить комментарий