Курс валют
$
58.46
0.54
69.18
0.22
Курс валют
Курс валют
$
58.46
0.54
69.18
0.22
Меню
Поиск по сайту

Дьокуускайга ааспыт биэс сылга 72,5 км суол тутулунна

24.08.2017 15:28 0
Дьокуускайга ааспыт биэс сылга 72,5 км суол тутулунна

Бүтэһик кэмнэргэ куораппыт уларыйбыта киһи хараҕар быраҕыллар. Куорат олохтоохторо уонна ыалдьыттара уулуссалар тупсубуттарын бары да бэлиэтии көрөр буолуохтаахтар.

“Ол курдук Дьокуускай куораппыт суола тупсарыгар улахан болҕомто ууруллар, элбэх үлэ барар”, — диэн Валерий Домотов Дьокуускай уокуругун дьаһалтатын суолга управлениетын начальнига кэпсиир.

Суол өрөмүөнүгэр көннөрү уулуссалары асфальтааһын эрэ киирбэт, манна сырыһыннара автобус тохтобуллара, сатыы дьон сылдьар тротуара, күөх зона, онтон да атын үлэлэр киирэллэр.

“Сылтан сыл суол оҥорор ньымабыт сайдан иһэр, биһиги олорор айылҕабыт атын оройуоннартан ураты. Онон ирбэт тоҥ усулуобуйабытыгар табыгастаах, өр сылга сулууспалыыр ньыманы талан туттарга дьулуһабыт”, — диэн Валерий Домотов этэр.

Биэс сыл иһигэр Дьокуускайга 76 учаастакка 56 уулусса өрөмүөннэммит. Ону километрга таһаарар эбит буоллахха — 72,5 км.

Суол өрөмүөнүгэр 2012 сылтан барыта 4,68 млрд солкуобай көрүллүбүт. “Үп-харчы үбүлээһинэ өрөспүүбүлүкэ уонна куорат бюджетыттан көрүллэр”, — диэн Домотов быһаарар.

Быйыл суол тутуутугар өрөспүүбүлүкэ бюджетыттан 633 мөл. уонна куорат бюджетыттан 570 мөл. солкуобай көрүллүбүт. “Былаан быһыытанан, быйыл 12 уулусса оҥоһуллуохтаах, барыта холбоон 10 км суол өрөмүөннэниэхтээх”, — диэн суол управлениетын начальнига кэпсиир.

Бүгүҥҥү күҥҥэ, куоракка, Кулаковскай, Чернышевскай уонна Хабаров, Кальвица, Автодорожнай, Окружной суолга, Жорницкай, Ломоносов, П. Алексеев, Г.Чиряев аатынан уулуссаларга өрөмүөн барар турар. Кальвица, Пирогов уонна Жорницкай аатынан уулусса быһа охсуһуутугар саҥа транспортнай аасыһар суол тутулла сылдьар.

Валерий Домотов этэринэн, киин куоракка өссө да элбэх уулусса капитальнай өрөмүөннэннэрэ былааннанар. “Окружной дьаһалта бигэргэппит былаанынан, 2022 сылга диэри барыта 92 км суол оҥоһуллуохтаах”, — диэн кини суоттуур.

***
Яна АНИСИМОВА,
Aartyk.Ru

Оставить комментарий