Оҕо сааһыгар олох улахан охсуутун ылан доруобуйатынан хааччахтаах буолар дьылҕаламмыт кыыс ыарахан олоҕо, чэпчэкитэ суох ситиһиинэн кэлбит улахан спорка, харбааһыҥҥа ситиһиилэрин сахатын дьоно мэлдьитин сэргии киэн тутта көрөр. Ону сэргэ оҕолорун инники дьылҕатыгар олохторун анаан, «сүүрүгү утары охсуспут» төрөппүттэрин олоҕо мэлдьи долгутар да, сөхтөрөр да.
Талааннаах режиссер Сандал Баишев устубут киинэтигэр сүрүн оруолларга СӨ үтүөлээх артыыстара Ирина Никифорова,Федот Львов,Анастасияны- Мария Иванова,тренерын үгүс сериалларга көрөр артыыскабыт Татьяна Арнтгольц толорбуттар.
Ийэ итии сүрэҕэ, оҕотугар таптала хайдахтаах күүстээҕин, хорсунун көрдөрөр ураты киинэ, саха дьахтарын биир ураты кыаҕын, бу чэпчэкитэ суох олоххо тардыһыытын, тулуурун уонна дьулуурун туоһута буолар.Дьиҥнээх олохтон ылыллыбыт дууһа кылын таарыйар, долгутар бу саҥа киинэни көрүҥ, сэргээҥ диэн биир дойдулаахтарбын ыҥырабын!
Анастасия Диодорова хорсун олоҕо,биһиги бүгүҥҥү олохпут геройа буолан, ыччат дьоммут дууһатыгар олоххо тапталы, хорсун санааны, тулууру уонна дьулууру саҕыахтын.
***
Мария Николаева
Оставить комментарий