Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Ньурбалар сааскы Маай бырааһынньыктарын сэргэхтик көрсөллөр

05.05.2020 07:50 0
Ньурбалар сааскы Маай бырааһынньыктарын сэргэхтик көрсөллөр

Быйылгы сааскы ыам ыйын бырааһыннньыктарын дьон-сэргэ дьиэҕэ олорон көрсөр.


Төһө да уустук балаһыанньа үөскээтэр, Ньурба улууһугар тэрилтэ үлэһиттэрэ тэрилтэлэригэр «Үлэ эрэ бу сиргэ барыбытын киэргэтэр!» лозунунан эйэ холуубун, былаахтары, шардары тутан хаамтылар. Олохтоохтор дьиэлэрин таһын араас өҥнөөх шардарынан киэргэтэннэр Маай бырааһынньыгын көрүстүлэр.

Аҕыйах хонугунан сырдык тыыннарын Аҕа дойду сэриитигэр толук уурбут чулуу буойуннарбытын, аҕаларбытын, эһэлэрбитин ахтан-санаан Кыайыы күнүн чиэстээхтик көрсүөхпүт турдаҕа. Өрөгөйдөөх Кыайыы бырааһынньыгар ньурбалар хайдах бэлэмнэнэллэрин туһунан батсаап, Инстаграм ситимин нөҥүө ыытааһын саҕаланна.

Антоновка нэһилиэгин ыала Владимир Иванович, Галина Ивановна Алексеевтар сиэннэринээн пушка оҥорорго быһаарынан, муус устар ыйга ыытыллыахтаах тэхиньиичэскэй быыстапкаҕа кыттарга санаммыттара. Кулун тутар ыйыгар макеты интернеттэн ылан, матырыйаалларын хомуйан саҕалаабыттар. Дойду үрдүнэн дьаҥ турбутунан быыстапка буолбата.

 
Дьиэ кэргэн онтон санааларын түһэрбэккэ, Галина Ивановна «Алёнушка» оҕо саадыгар иитээччинэн үлэлиир буолан, бэлэмнээбит пушкаларын кырачаан оҕолорго билиһиннэрэр санаалааҕын этэр. Пушкалара силигэ ситэн, кырааскаланан Кыайыы бырааһынньыгар бэлэм буолбут.

***

Ааптар: Антонина СЕМЁНОВА

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»