Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Ньурбаҕа саха чулуу авиатора Семен Иванов мемориальнай дуоската аһылынна

17.08.2019 11:31 0
Ньурбаҕа саха чулуу авиатора Семен Иванов мемориальнай дуоската аһылынна

Бэҕэһээ, атырдьах ыйын 16 күнүгэр, Ньурбаҕа саха уһулуччулаах авиатора, Саха сирин авиациятын бочуоттаах үлэһитэ, ССРС Аэрофлотун туйгуна, ССРС IX ыҥырыылаах Үрдүкү Сэбиэтин дьокутаата, Саха АССР норуотун хаһаайыстыбатын үтүөлээх үлэһитэ, улуус бочуоттаах олохтооҕо Семен Семенович Иванов үтүө аатын үйэтиттилэр. Баара буоллар кини эһиил 90 сааһын туолуохтааҕа.


Ньурбатааҕы аваиэтэрээккэ 1954-2000 сс. ситиһиилээхтик үлэлээбит, барыта 12600 чаас көтүүлээх, сахалартан Ми-6 бөртөлүөт бастакы хамандыырыгар анаммыт мемориальнай дуоска аһылынна. Тэрээһиҥҥэ Семен Иванов оҕолоро, бииргэ үлэлээбит табаарыстара, биир идэлээхтэрэ уо.д.а. кытыннылар.

Эҕэрдэ тылы пуорт дириэктэрэ Николай Алексеев, улуус дьаһалтатын тэрийэр-правовой управлениетын салайааччыта Наталья Петрова, улуустааҕы Ытык Сүбэ бэрэссэдээтэлэ Михаил Иванов, Семен Семенович уола, Арктикатааҕы култуура уонна искусство институтун проректора Станислав Иванов, авиация бэтэрээннэрэ Михаил Тихонов, Август Семенов уонна Октябрьскай нэһилиэк баһылыгын солбуйааччыта Александр Степанов эттилэр. Кинилэр Семен Иванов Ньурбатааҕы авиапредприятиены төрүттэһээччи буоларын, алмаас бырамыысыланнаһа атаҕар туруутугар сүҥкэн өҥөлөөҕүн бэлиэтээтилэр, бөртөлүөккэ баһаар буолбутугар уолуһуйбакка сөпкө дьаһанан 1500 м үрдүктэн көтөр аалын сатабыллаахтык олордон дьону быыһаабытын, үлэҕэ-олоххо олус көхтөөҕүн истиҥник-иһирэхтик аҕыннылар.

 

Семен Иванов ССРС Үрдүкү Сэбиэтигэр дьокутааттыы сылдьан туруорсан Ньурба пуордун дьиэтин туттарбыта, көтөр-түһэр балаһатын оҥорууга эмиэ харчы көрдөрбүтүн өрөспүүбүлүкэ оччотооҕу салалтата атыннык дьаһайан кэбиспитэ. Билигин даҕаны Семен Семенович аймахтарыттан кини үлэтин салҕааччылар бааллар, сиэнэ Андрей (кыыһа Светлана уола) авиатор идэтин баһылаан Москваҕа ыҥырыллан кылаабынай штурманынан үлэлии сылдьар.
Бу курдук өйүүн бэлиэтэнэр Арассыыйа Салгыннааҕы флотун (уруккунан Авиация күнэ) күнүн көрсө, Ньурба авиатордарын үйэтитэр сыаллаах улахан тэрээһин буолан ааста.

***

Ааптар: Геннадий Антонов

 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»