Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Сунтаарга улуус үбүлээһиниттэн көрүллүбүт тутуулар болдьохтоммут былаанынан баран иһэллэр

17.10.2019 07:21 0
Сунтаарга улуус үбүлээһиниттэн көрүллүбүт  тутуулар  болдьохтоммут былаанынан баран иһэллэр

Сунтаар улууһун Аҕа баһылыга Анатолий Григорьев, тутуу комплексын управлениятын начальнига Иван Егоров уонна улуус депутаттарын Сэбиэтин бэрэссэдээтэлин солбуйааччы Сергей Иванов буолан Сиэйэ, Кутана, Күндэйэ, Кэмпэндээйи уонна Устия нэһилиэктэригэр улуус бюджетыттан көрүллүбүт тутуу хайдах туруктаа5ын көрдүлэр-иһиттилэр.


Сиэйэҕэ нэһилиэк баһылыга Алексей Обоюков  саҥа тутулла турар культурнай спортивнай комплекс үлэтин хаамыытын билиһиннэрдэ. Бэдэрээччит – ООО “Туйгун” . Биригэдьиир Ариян Бурнашев этэринэн, быйылгы тутуу матырыйааллара барыта кэлэн, үлэ болдьохтоммут былаанынан баран иһэр, гравий кутуллубут, бетонтан акылаат уонна тимир каркас таҥыллар диэн сырдатта.

Кутанаҕа, тыа хаһаайыстыбатын салайааччыта Иван Тихонов уонна нэһилиэк баһылыга Николай Давыдов СХПК «Сомоҕо» тэрилтэ 100 сүөһү турар хотонун тута сылдьаллар.

Хотон тас үлэтэ ситэн уота тардыллара хаалбыт, инникитин бу хотоҥҥо СХПК “Кириэстээх» тэрилтэттэн 50 племенной ынах-сүөһү кэлэрэ былааннанар.

Хотон аттыгар саҥа үүт тутар пуун тутулла турар, былаанынан эһиил үлэҕэ киириэхтээх.

 

Кэмпэндээйигэ, баһылык солбуйааччыта Иван Махначевскай түөрт квартиралаах толору хааччылыылаах дьиэ тутуутун хаамыытын сырдатта. Тутуу үлэтэ үмүрүйэн эрэр, материал барыта кэлбит. Дьиэ ис-тас өттүн үлэтэ, уота-күүһэ уонна олбуорун оҥоруута хаалбыт, былаанынан бу сыл бүтүүтэ эбийиэк бэлэм буолуохтаах.

 

Күндэйэ нэһилиэгэр, нэһилиэк баһылыга Иван Константинов саҥа тутуллар 50 миэстэлээх “Күнчээн” оҕо саадын турар сирин миэстэтин көрдөрдө. Билигин былаанынан тутууга ылсыбыт хампаанньа техникаларын аҕалан саҥа дьылга диэри свая түһүүхтээх.

Устияҕа тулаайахтарга дьиэннэн хааччыйыы бырагыраамма чэрчитинэн, саҥа тутуллубут олорор дьиэлэрэ тымныы буолан, онно туох өрөмүөн үлэтэ ыытыллыбытын билистилэр. Дьиэ  эркинин тула сабараанньатын көтүрэн, саҥаттан уларытарга быһаарбыттар, билигин хаһаайыттар дьиэлэрэ сылыйан үөрүүлэрэ үгүс.

   

Салгыы «Кэмпэндээйи» индустриальнай паркаҕа –  цеолиттан тутуу матырыйаалларын оҥорон таһаарар сыахха сырыттылар. Нэһилиэк баһылыга Александр Попов уонна ХЭТ «Сунтарцеолит» салайааччыта Петр Попов үлэ хаамыытын билиһиннэрдилэр. Манна билигин улууспут эдэр ыччата оборудованиялары таҥан туруорууга уонна ититиини тарда  сылдьар. Сыах үлэҕэ киирдэҕинэ, олохтоохторго сменаннан үлэлиир үлэ миэстэтэ тахсыахтаах.

***

“Сунтаар улууhа (оройуона)” муниципальнай оройуон дьаһалтатын пресс – сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»