Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Федеральнай суол сыбаалка таһынааҕы учаастагар үлэ саҕаланна

29.03.2022 21:04 0
Федеральнай суол сыбаалка таһынааҕы учаастагар үлэ саҕаланна

Быйыл “Бүлүү” федеральнай суол Дьаархан -Ньурба икки ардынааҕы учаастагар хаалбыт 6 км кэриҥэ аспаалланан бүтүөхтээх. “РИК Автодор” Ньурбатааҕы филиалын биригээдэтэ бу үлэни кулун тутар ый ортотуттан саҕалаата.

“РИК Автодор” генеральнай дириэктэрин солбуйааччыта Сергей Никифоров иһитиннэрэринэн, билигин суол олоҕун оҥоро сылдьаллар. 5 самосвал, 2 бульдозер, 2 каток уонна 1 грейдер үлэлииллэр. Үлэни “РИК Автодор” филиалын учаастагын салайааччыта Марк Иванович Мостахов иилиир-саҕалыыр.

“Сүрүн үлэтин атырдьах ыйыгар бүтэриэхтээхпит, хамыыһыйаҕа балаҕан ыйыгар туттарыахпыт, – диир Сергей Валерьевич. – Омос көрдөххө, оҥоһуллар суол учаастага кыра курдугун иһин, үлэтин кээмэйэ син-биир улахан. Аспааллыырга туттуллар матырыйаалбытын – хайыр тааһы (щебенканы), пеноплексы уо.д.а. таһан хааччынныбыт. Бастаан утаа бу курдук буор таһан суол болотунатын үрдэтэн, суолбут олоҕун оҥоробут. Маны аспааллаан бүтэрдэхпитинэ үлэбит иккис түһүмэҕин түмүктүүбүт.

Итини таһынан аукционнарга кыттан Ньурба к. уонна атын сэлиэнньэлэр уулуссаларын аспааллыырга эмиэ бэлэммит. Ньурба к. Манчаары уул. уонна Октябрьскай нэһилиэк Мария Романова аатынан уул. аукциоҥҥа тахсыахтаах.

Маны сэргэ улуус дьаһалтатын уонна СӨ Тырааныспарга министиэристибэтин иккк ардыгар түһэрсиллибит сөбүлэһии быһыытынан, “Бүлүү” федеральнай суолу кыйа сытар нэһилиэктэр уулуссаларын аспааллааһыҥҥа пилотнай бырайыак олоххо киллэриллэр.

Быйылгы үп суотугар ааспыт сылга Сүлэҕэ биир уулусса сороҕун аспааллаабыппыт. Быйыл даҕаны маннык үлэ салҕаныа. Антоновка, Сүлэ, Чаппанда уулуссалара оҥоһуллуохтаах. Улууспут салалтата бэлиэтиирин курдук, бу тыа нэһилиэктэрин уулуссаларын аспааллыырга пилотнай бырайыак буолар. Бу үлэ улуус бүддьүөтүттэн уонна СӨ Суол фондатыттан үбүлэнэр”.

***

Источник: Огнинюрбы.рф

Оставить комментарий