Курс валют
$
87.74
0.25
95.76
0.08
Курс валют
Курс валют
$
87.74
0.25
95.76
0.08
Меню
Поиск по сайту

Алексей Еремеев Нам улууһун бас-көс дьонун кытта тыын боппуруостары дьүүллэстэ

23.04.2024 12:48 0
Алексей Еремеев Нам улууһун бас-көс дьонун кытта тыын боппуруостары дьүүллэстэ

Дьокуускай куоракка Нам улууһун күннэрин ыытыы чэрчитинэн Саха Өрөспүүбүлүкэтин норуодунай дьокутааттарын Нам улууһун дэлэгээссийэтин кытта көрсүһүүлэрэ буолла.

Тэрээһини СӨ Ил Түмэнин Бэрэссэдээтэлэ Алексей Еремеев салайан ыытта.

Норуот дьокутааттара Александр Атласов, Эдгар Константинов, Александр Колесов, Валерий Федоров көрсүһүүгэ кыттыыны ыллылар.

Улуус баһылыга итиэннэ нэһилиэктэр баһылыктара туох ыарахаттар баалларын иһитиннэрдилэр уонна этиилэрин киллэрдилэр.

Нам улууһун баһылыга Юрий Слепцов «Спортивные якутяне» Саха Өрөспүүбүлүкэтин үөрэнээччилэрин спартакиадатын спортивнай оонньуу таһымыгар таһааран сыл аайы атын-атын улууска ыытарга, ону кытта 2029 сылга буолуохтаах «Манчаары оонньууларын» Нам улууһугар тэрийэргэ этии киллэрдэ.

Нэһилиэктэр баһылыктара хаарбах дьиэттэн дьону көһөрүү, нэһилиэктэри баһаарынай емкостарынан хааччыйыы, даамбаны тутуу, суол алдьамматын туһугар тырааныспар тоннаһын хонтуруоллааһын, култуура дьиэтин тутуу уо.д.а. сытыы боппуруостары көтөхтүлэр.

Алексей Еремеев Нам улууһугар даамба тутуллан бүтэрэ кыра хаалан турарын бэлиэтээтэ уонна күөллэргэ уу киирэрин курдук гына шлюзтардаах оҥоһуллуохтааҕын тоһоҕолоон эттэ. Ил Түмэн Бэрэссэдээтэлэ СӨ Айылҕа харыстабылын министиэристибэтин, СӨ Тутуу салалтатын уонна СӨ Бырабыыталыстыбатын Бэрэссэдээтэлин бастакы солбуйааччытын Дмитрий Садовниковы кытта даамба тутуутун үбүлээһинигэр үлэлэһэргэ норуот дьокутаатын Эдгар Константиновка соруйда.

Алексей Еремеев билиҥҥи кэмҥэ Өлүөнэ сүнньүнэн үлэлиир земснарядтар аҕыйахтарыгар болҕомто уурда. «Жатайскай судоверфь тутуллубутун кэннэ земснарядтары оҥорон киирэн барыахтаахтар», – диэтэ кини.

Маймаҕа нэһилиэгин баһылыга Александр Егоров 2025 сылга нэһилиэк олохтоох бэйэни салайыныыга киирбитэ 25 сылын туолар тэрээһиннэригэр Бырабыыталыстыба Дьаһала тахсарыгар баҕа санаатын иһитиннэрдэ. Өрөспүүбүлүкэ парылааманын испиикэрэ бу этиини биһирээтэ уонна атын улуустарга баар 25 сылларын туолар нэһилиэнньэлээх пууннары бу тэрээһиннэргэ эмиэ киллэриэххэ диэн эттэ.

***

Ил Түмэн пресс-сулууспата

Оставить комментарий