Маар-Күөлгэ спортивнай саала үөрүүлээх арыллыыта буолла

Спордунан утумнаахтык дьарыктанар уонна бу эйгэҕэ үгүс ситиһиилээх Маар-Күөл нэһилиэгэр, улуус дьаһалтата бэйэтин үбүнэн, спорт сааланы тутан үлэҕэ киллэрдэ.

2022 сыллаахха саҕаламмыт тутууну олохтоох “ВИД” хампаанньа тутан таһаарда. Бу тэрилтэ улууска элбэх социальнай эбийиэги туппут, эрэбил үлэһиттэрдээх хампаанньанан буолар.

Люция Тотонова дириэктэрдээх үүнэр көлүөнэни үөрэтэн, иитэн-такайан таһаарар үөрэх кыһата, оҕолор саала тутуллан үлэҕэ киирэрин олус кэтэстилэр. Онон оскуолаҕа сыста тутуллубут саҥа дьиэ үөрүүлээх арыллыытыгар элбэх киһи муһунна.

***
suntaar_ulus